திராவிடம் என்ன செய்தது ?
இட ஒதுக்கீட்டில்
படித்து விட்டு
திராவிட இயக்கம்
என்ன செய்தது என்பர்
மதக் கலவரமற்ற
சூழலில் வாழ்ந்து கொண்டு
பெரியார் மண்ணா என
ஏளனம் செய்வர்
உடல் நலிவுற்றால்
கோவில் செல்லாது
மருத்துவமனை சென்று விட்டு
நாத்திகத்தை நக்கல் செய்வர்
அடிப்படை கட்டமைப்பில்
உயர்ந்து நிற்கும் தமிழகத்தை
திராவிடத்தால் வீழ்ந்ததாய்
வீண் பழி சுமத்துவர்
இந்தி பேசும்
மாநிலங்களை விட
தமிழ்நாடு வளர்ந்திருந்தாலும்
இந்தி புகழ் பாடுவர்
தன் பெயருக்குப் பின்
ஜாதிப்பெயர் போட்டுக் கொள்ள
சங்கடப் பட்டுக் கொண்டே
பெரியாரை நாயக்கர் என்பர்
தன் தாத்தனுக்கும் பாட்டிக்கும்
ஏன் கல்வி மறுக்கப்பட்டது
என கேள்வி கேட்காமல்
கேரளாவில் கர்நாடகாவில்
யாரும் படிக்கவில்லையா என்பர்
ஆடு மேய்த்தவரின்
பிள்ளைகளை
IPS ஆக்கியது தான்
திராவிட இயக்கத்தின் சாதனை
IPS-களை
ஆடு மேய்க்க
அனுப்பியது தான்
ஆரியத்தின் சாதனை ...
- பாசு ஓவியச்செல்வன்
No comments:
Post a Comment