வாசித்ததில் நேசித்தது

அந்த நாட்கள்

அந்த மூன்று நாட்களில்
கோயிலுக்குள் செல்வது
தீட்டாகவே இருக்கட்டும்...
எந்த மூன்று நாட்களில்
பெண் தெய்வங்கள்
கோயிலுக்குள் இருக்காதெனக்
கொஞ்சம் சொல்லுங்களேன்?
- க.பொன்ராஜ்

அஞ்சலி

 

 

செஞ்சட்டை தோழருக்கு

செம்மலர் சமர்ப்பணம்

வாசித்ததில் நேசித்தது

கூண்டுக் கிளிகள்
உங்களிடம்
என்ன பேசிவிடப்போகிறது?
திறந்துவிடுங்கள்
என்பதைத் தவிர்த்து!

- ரவிஉதயன்

அன்பருக்கு அஞ்சலி



காலனுக்கு கடும் கோபம் போல்
மனிதம்  அரசியல் மத்தியில் மலர
வேண்டாம் இந்த வீண் சோதனை
என்றெண்ணி எடுத்துகொண்டார்
எம் தோழர் முத்துக்குமாரை
என்ன செய்ய தொகுதி மக்கள்
இன்னொரு தேர்தலை சந்திப்பது தவிர
பணத்துக்கு மத்தியில்
மனத்தால் வென்ற தோழர்
முத்துகுமாருக்கு அஞ்சலி

நான் நுகர்ந்த  சொற்பூக்கள்


வாழ்தலும் இருத்தலும்


நூறில்
தொண்ணூறு விளம்பரங்கள்
சுத்தம்பற்றியதானவை
குழந்தையின் பின்புறம் முதல்
கழிவறை பீங்கானின் உட்புறம் வரை.
நுண்ணோக்கி வழியே
நெளியும் கிருமிகள்.
தெரு மண் புழுதியில் வெற்றுடம்போடு
உருண்டு புரண்டு கிழிந்து
கிழிசலுக்கு ஊசியாய்
மண்ணையே பூசி விளையாடிய
ஆதி வீதிச் சிறார்
மருத்துவமனை முகவரியும் அறியார்.
நொடிக்கொரு தரம் ஹேண்ட் வாஷில்
கை கழுவும் கான்க்ரீட் மைந்தர்கள்
மூன்று வயதிலேயே
மூக்குக் கண்ணாடியோடு.
அதிர்ந்தடங்கி அயர்ந்து
அலைவரிசை மாற்றினால்
அங்கும் போய்க்கொண்டிருக்கிறது
செயற்கைக் கருவூட்டல்
மருத்துவமனை விளம்பரம்!

- பிரகாசிகை

250 கோடியில் ௨௨ நாடுகள் சுற்று பயணம் செய்திருக்கிறார் நம் ஜனாதிபதி ப்ரிதிபா பாட்டில்.

எனக்கு ஒன்றுமே புரியவில்லை. வழக்கம் போலவே இதுவரை இருந்த ஜனாதிபதிகள் போலவே எவரும் செய்யாத சாதனையை செய்து விட்டார் இவ்வளவு மக்கள் பணத்தை செலவழித்து ( நம் அறிவியல் அறிஞர் அப்துல் கலாம் உட்பட) இவர்களுக்கு மனசாட்சி இருக்குமா இருக்காதா........................

வாசித்ததில் நேசித்தது

பிள்ளைகளின் பார்வையில் அப்பா!




 4 வயதில் - எங்கப்பா ரொம்பப் பெரிய ஆள்.

 6 வயதில் - எங்கப்பாவுக்கு எல்லாம் தெரியும்.

10 வயதில் - அப்பா நல்லவர்; ஆனால் சிடுமூஞ்சி.

14 வயதில் - எப்பவும் எதிலும் குறைகண்டுபிடிக்கும் ஆசாமி.

16 வயதில் - கால நடப்பைப் புரிந்து கொள்ளாதவர்.

18 வயதில் - சரியான எடக்கு மடக்குப் பேர்வழி.

20 வயதில் - இவரோட பெரும் தொல்லை; எங்கம்மா எப்படி இந்த ஆளோட  
                         குப்பை கொட்றாங்க?

30 வயதில் - என் பையனைக் கட்டுப்படுத்தறதே கஷ்டமா இருக்கு.
                        அவன் வயசில எங்கப்பான்னா எனக்குப் பயம்.

40 வயதில் - எங்கப்பா எங்களைக் கட்டுபாடா வளர்த்தார்.
                         நானும் அப்படிதான் என் பிள்ளைகளை வளர்க்கப் போறேன்.

50 வயதில் - அப்பா எங்களையெல்லாம் வளர்க்க எவ்வளவு கஷ்டப்பட்டார்?
                         எனக்கோ என் ஒரு பிள்ளையைக் கட்டுப்படுத்த முடியலை.

55 வயதில் - எங்கப்பா எவ்வளவு திட்டமிட்டு எங்களுக்காக எல்லாத்தையும் 
                         செய்திருக்கிறார். அவரை மாதிரி ஒருத்தர் இருக்க முடியாது.

60 வயதில் - எங்கப்பா ரொம்ப பெரிய ஆள்.