மீண்டு வா

 

குடி எவர்க்கு கேடு?

குடிப்போர் உய்க்கிறார்

அவர் வினை அவரைச்சேரும்

அது 

இயற்கை நியதி நீதி எனில்

இவர் பொருட்டு

உற்றோரும் பெற்றோரும்

என்ன வினையாற்றினர்?

அவரால் இத்துயர் பெற!

இது நீதியா, நியதியா?

துயருரும் பெண்டிர் 

அவரீன்ற பிள்ளைகளும்

ஐயகோ! அவ்வளவு பாவம்!

பிள்ளைச்சாபம் பெறும்

பெற்றோர் 

சூனியம் பிடித்தே வாழ்வோர் 

என்று இன்னும் ஒருமுறை

சொல்ல வேண்டுமா?

மயக்கம் தெளிந்த

சமயத்திலாவது

முந்தி சிந்தி 

முற்றும் குடித்தோரே!

முப்போதும் குடிப்போரே!

இப்போதிருந்தே!

அப்போதுதான் எப்போதாவது 

தப்பாது தப்பை

திருத்த வாய்ப்பு பெறுவாய்

எது மயக்கம்?

மகிழ் வாழ்வு மயக்கமென்று

மனம் மாறு!? மாற்று!?

- சூ.ரெக்ஸ் இக்னேசியஸ்